اليكم بعض اسئلة الانترفيو الهامة والشائعة لمهندس مدني موقع حديث تخرج عند المقابلة الشخصية للتقدم لسوق العمل او لوظيفة جديدة من موقع دليل ملفات الهندسة المدنية
ما الفرق بين الجسات الإسترشاديه و الجسات التأكيديه ؟
الجسات الاسترشاديه : تؤخذ من قبل المهندس المصمم من قبل المالك لمعرفة قيمة قدرة تحمل التربه اللي بيعتمد عليها تصميم الاساسات وكذلك لكشف وجود اي نوع من التربه ذات المشاكل مثل الانهياريه او الانتفاشيه اوضعف قوة تحمل التربه للاحمال الواقعه عليها من المبني وبالتالي ياخذ المصمم الاحتياطات الازمه لعمل طبقات الاحلال المناسبه لطبيعة المبني وكذلك استكشاف وجود مياه جوفيه اواي سوائل مخلطه مع التربه مما يتسبب في حدوث مشاكل مستقبليه وتحديد منسوب ظهور المياه الجوفيه سواء كان المبني يشمل بدروم ام لا
الجسات التاكيديه : تؤخذ من قبل الشركه او المقاول المنفذ للمشروع للتاكد من مطابقة خصائص تربة الموقع علي الطبيعه بناء علي الجسات الاسترشاديه سابقة الذكر وهل حدث تغير في طبيعة الارض من ظهور اى مشاكل اثناء التنفيذ
ليه بنكسر رؤوس الخوازيق في حين إننا كنا ممكن نصبها بمنسوب أقل؟
يتم تكسير رؤس الخوازيق لان الخازوق اثناء الحفر بيتم وضع ماده البنتونيت تمنع تهيل التربه واثناء الصب تطفو هذه المادة مع التربه المختلطه مع المياه وبعض الشوائب وتتركز في الجزء العلوي من الخازوق وده بيسبب ضعف قطاع الخازوق في المتر العلوي من الخازوق وتضعف الخرسانه لوجود بعض الشوائب
بيتم تكسير رؤوس الخوازيق عشان اوصل ل cut of level على حسب الرسومات التصميميه ، وايضا لا بد من ربط تسليح الخوازيق بالقواعد عشان كدا بعمل طول رباط قدره ٦٥ مره القطر ، وبالتالى يلزم الصب لتغطيه الاشاير عشان تكون مدفونه لسهوله حركه المعدات ايضا
يعني إيه المصطلحات دي في الموقع : (ضفدعه- عصفورة- خنزيرة- حمار- حصان- رجل غراب- ديل يمامه- ظهر حيه- جمل- سمكه- نحله- فراشه- فارة- سنجابي- بلبل)
ليه بنحط حديد تسليح في الأعمدة مع أنها معرضه لقوى ضغط و ليس قوى شد؟
بنحط حديد ف الاعمده لان الحديد
- يتحمل جزء من الضغط
- ومقاومه العزوم الناتجه عن القوي الافقيه
- وبسبب اللا مركزيه للعمود التي تولد عزم ولابد من وجود حديد لمقاومته
- لان الانهيار ف الخرسانه بيكون مفاجئ ولحظي ولكن ف الحديد بيكون اطول
- نتيجه وجود عزم ع العمود فيحدث شد وضغط ع جانبي العمود فيساعد الحديد ع مقاومه الانبعاج
- ايضا لتخفيض ابعاد العمود
سقف فلات سلاب سمك البلاطه 25 سم و حديد التسليح المستخدم للشبكه العلويه قطر 12 مم و للشبكه السفليه قطر 16 مم - إحسب ارتفاع الكرسي...؟
25-{(2.5+2.5) كوفر +(1.6+1.6) فرش وغطا + (1.2) وتر+(1.2+1.2)فرش وغطا الرقه التانيه} = 13.2 سم
ما الفرق بين السمل و الميده و الشداد؟
الميده : هو السمل وده الي بيربط القواعد له وظفتين حمل مباني الدور الارضي وتربط القواعد جيدا لتلاشي فرق الهبوط مبتدخلش ف التصميم بس تسليحها ٤فاي ١٦ سفلي وعلوي
الشداد : يربط بين قواعد الجار والقواعد الوسطيه عشان يمنع القاعده من الانقلاب نتيجة العزوم المتولده من العمود الطرفي وكميه الحديد للشداد اكتر من السملات
كانات الشداد لازم تستمر داخل القاعدة عدا منطقه العمود
السملات : بتكون ف منسوب القواعد المسلحه وكدذلك الشداد وممكن ان تكون اعلي من منسوب القواعد
ما الفرق بين مقاس حطه الأشاير و مقاس حطه النجارة للعمود
حطة الاشاير مقاس العمود نخصم الكفر , حطه النجاره مقاس العمود + الكفر .
هل أكسات المبنى تكون في منتصف (القواعد أم الأعمدة أم الحوائط)
اكسات المبنى بتكون فى منتصف الحوائط
إزاي بنظبط بياض محارة الأعمدة الدائريه؟
بالخلخال وتر دائري يتم صبه فى فرمه وممكن عمله بالحبس , او لو فيه فورمه بنفس الشكل يبقي افضل
ما الفرق بين الشده المصريه و الشده السوريه ؟
الشده المصريه بنعمل تخشيب ثابت وبنحطط عليه ونوزن الحطط , اما السوريه فبنطلع العمود وبعدين نوزنه ونثبته بنهايز ( انا بافضل المصريه )
ليه بنعزل مباني قصه الردم
بنعزل المبانى لحمايتها من الاملاح واى مياه متواجده فى التربه المحيطه بها للمحافظه عليها من التأكل وعشان الميه ما تطلعش لمباني الدور الارضي وتطبل لياسه الارضي
إمتى تكون كمرة داخليه في سقف تسليحها الرئيسي فوق و الثانوي تحت ؟
- لما بتكون بين كمرتين بحرهم كبير وهي بحرها صغير مقارنه بهم او العزم الاكبر فوق , وفي حالة الكوابيل .
- تكون الكمره ذات البحر القصير والمجاور ليها من الجهتين بحرين كبيرين،، اي المومنت عليها negative وبالتالي يكون تسليحها العلوي هو الرئيسي
- لما يكون بحرها اقصر بكثير من متوسط باقى البحور و احمالها اقل... فلا يتجاوز المومنت الى قيم موجبه فى نص البحر بل يظل سالب... و لكننا نضع مومنت احتياطى بمقدار WL2/16
رجل أشاير العمود بتكون لجوه ولا لبره ؟
رجل اشاير العمود يفضل تكون لبره لمنع للحد من حدوث التعشيش، وفى حالات تكون لجوه زى اعمده الجار ,في حاله ان طول القاعدة لايكفي لعمل رجل العمود لبرة نعمل الرجل لجوه وهي لاتفرق كتير
هل ينفع نوصل أشاير العمود في منتصف إرتفاع العمود ولا لأ؟
ينفع اوصل اشاير العمود للمنتصف مفيش مشكله وهيكون أفضل كمان لو كنت فى المناطق اللى بتتأثر بالزلازل ويشترط أن تحقق طول الوصلة المطلوب 65 قطر السيخ المستخدم طبقا لاشتراطات الكود
ينفع اوصل اشاير العمود ف منتصف الارتفاع طالما انه عمود معرض ل vertical load without any moment
الفرش بيكون في الإتجاه القصير ولا الإتجاه الطويل لكل من (القواعد المنفصله- اللبشه- البلاطات السوليد سلاب- البلاطات الفلات سلاب)؟
القواعد المنفصله فى الاتجاه القصير وبيعتمد أيضا على نوعها جار او وسطيه وممكن الفرش بيكون ف الاتجاه الطويل للرفرفه ان وجدت سواء العمود ف سنتر القاعدة او عليه اكسنترستى
القواعد المشتركه الفرش ف الاتجاه الطويل الواصل بين عمودين ف الشبكه السفليه والعكس ف العلويه
البشه بيكون فى اتجاه العزم الكبير على حسب توزيع الاعمده او فى الإتجاه الاضافي الاكثر
السوليد سلاب فيتم الفرش ف الاتجاه اللي بيمشي فيه الحمل وغالبا يكون الاتجاه القصير.
البلاطات الفلات فى اتجاه العزم الكبير ويفضل الفرش ف الاتجاه اللي فيه اضافي اكتر
احسب طول السيخ المستخدم لعمل كانه لكمره 70* 25
لو فرضانا الغطاء الخرسانى 2.5 سم
اذا الارتفاع : 70-2.5-2.5=65 سم
والعرض :25 - 2.5 -2.5 = 20 سم
وبالتالى طول السيخ : 65 + 65 + 20 + 20 +20 (قفل الكانه) = 190 سم
طول السيخ للكانه هو 190سم ( 20 + 65 ) * 2 + 16 قفل كانة = 186 سم
( 20 + 65 ) * 2 + 16 قفل كانة = 186 سم .
65+65+20+20+10+10=190سم
ما الأماكن اللي مسموح فيها نعمل وصلات لحديد تسليح اللبشه؟
الرقة العلوية عند الاعمدة , الرقة السفلية عند منتصف البحر
ما الفرق بين التسويس و التعشيش للخرسانه؟
التسويس الحديد متعرفش تعدي ايدك وراه ومعالجته انك تليسه , التعشيش ان الخرسانه ما تكونش وصلت لاماكن معينه والمفترض انك تصبه بمواد ايبوكسيه
ما سبب الشروخ اللي بتظهر على سطح الخرسانه بعد يوم من الصبه؟
ظهور شروخ سطحيه علي السطح بسبب تبخر المياه من الخرسانة وحدوث انكماش للخرسانه ولذلك يجب معالجة الخرسانة جيدا بالمياه وعدم صب الخرسانة في الاجواء الحارة
هل بنعزل قاع السمل و ظهر السمل ولا لأ؟
السمل اللى شايل حائط الارضي يتعزل من تحت باسفلت ومن فوق لا علشان المباني
فاصل الصب بيكون عند الزيرو مومنت واقصى شير وليس عند الزيرو شير والسبب !؟
فاصل الصب عند اقل إجهادات العزوم وهى عند نقطة أنقلاب العزوم (الزيرو مومنت )
يعنى عند خمس أو ربع الكمره من طرف الركيزه اى عند 3/5 من طرف الركيزه أى عند منطقة أقصى إجهادات قص تقريبا . وعشان كدا منطقة أقل إجهادات عزوم تكون هى أمثل مناطق عدم توسع الشروخ و عدم التأثير على أسياخ التسليح بالشروخ ،
و بالرغم من ان المنطقه هى منطقه اقصى قوى قص ولكن قوى القص يتحملها الحديد بقيمه كبيره فى الكمرات زى الكانات . ولو فصلت فى منطقه اقصى عزوم يعنى فى منتصف البحر هتلاقى ان فى امكانية حدوث شروخ كبيره اللى هتسبب صدأ حديد التسليح بمناطق اقصى عزوم
ما الفرق بين فاصل الهبوط و فاصل التمدد و فاصل الإنكماش؟
فواصل الهبوط تكون في القواعد والسملات والاعمدة والكمر ويتم عملها في حاله وجود مبني اعلي من مبني او مبني قديم مع جديد.
فواصل التمدد والانكماش تكون في السملات والاعمدة والكمرات ولايتم عمل فاصل تمدد في القواعد ويتم عملها في حاله زيادة طول المبني عن 40 متر طولي
إيه الفرق بين ال Pre Tension Concrete و ال Post Tension Concrete و ال Pre Cast Concrete ؟
سيتم اضافة اجابة
إمتى بنستخدم الطوب الطفلي و إمتى بنستخدم الطوب الأسمنتي في المباني؟
الطوب الطفلي فى تقسيم الفراغات بعيد عن الرطوبه , الطوب الاسمنتي اول مدماك ومباني الحمامات , وحول الفتحات
يعني إيه مصطلحات البياض دي (بياض ممسوس- بياض متخشن- بياض مخدوم- بياض متربي- بياض معضم- بياض مفوش- بياض مطبل- بياض مقتول- بياض منمل- بياض مشعر- بياض مطقطق- بياض مملح- بياض مزهر- بياض ممشط- بياض مزنبر)؟
يعني إيه المصطلحات دي في الموقع: (ضفدعه- عصفورة- خنزيرة- حمار- حصان- رجل غراب- ديل يمامه- ظهر حيه- جمل- سمكه- نحله- فراشه- فارة- سنجابي- بلبل)
الحصان: ده عبارة عن قده ألومينيوم بيستخدمها صنايعي الجبس لما ييجي يعمل كرانيش بطريقة التمشيات بحيث يظبط وزنه القدة (الحصان) أسفل الكورنيشه عشان تطلع في النهاية الكورنيشة مظبوطه
الحمار: ده عبارة عن تشكيل بيعمله نجار المسلح من الخشب عبارة عن عرق أفقي مرتكز على عروستين على شكل حرف X او شكل حرف v مقلوب بارتفاع ١ متر و ده بيستخدمه في إنه ينظف عليه الخشب من المسامير
الخنزيرة: و دي عبارة عن إطار خشبي بيتعمل حول المبنى في مرحلة التأسيس عشان النجار يشد عليه أكسات المبنى و اللي بتكون على هيئة خيوط
الضَفدعة: بتستخدم في تقويات الشدة الخشبية للأسقف لما بنضطر لوصل قايمين من العروق فلازم نعمل ضفدعة عند الوصلة و بتكون عبارة عن قطعة من خشب اللتزانه تسمي (طفشة) بتتسمر في العرق في مكان الوصله
الجمل: بيطلق على صف القرميد المايل اللي بيتعمل عند أركان المبنى و بيكون شكله مختلف عن باقي القرميد
جمل ارتفاع في وسط منسوبين منخفضين بسطح الخرسانه
السمكة: لما بيكون عندنا غرفه أبعادها مش منتظمه فبيظهر في بلاط الأرضيه في أحد الجهات شطره أو غلايق سيراميك بتكون على شل شبه منحرف.. دي اسمها سمكة
النحلة: خلاطة الخرسانة اليدوي اللي بتستخدم في خلط الخرسانة في الموقع
العصفورة: الجزء العلوي من ميزان الخيط اللي بيستخدم في ظبط الرأسية.
العصفورة هى زرجينة حديد تقوم نتقوية الشدة الخشبية للكمرات او الميدة او الاعمدة عن طريق سيخ حديد قطر 8مم او 10مم وتكون العصفورة من جهتى السيخ لربط الجنب الخشبيى
ديل اليمامة: بتطلق على التفريز اللي بيتعمل في حلوق الأبواب عند الأركان
ظهر حية: تشكيل بيتعمل في بداية الكوبستات المعدنية لدرابزين السلالم بحيث يكون طرف الكوبسته ملفوف بشكل دائري
ظهر حيه نصف دوران بشفة درج الرخام للسلم او برور باب الخشب او زوايا سوك المحاره
الغراب: مصدر مياة مجمع بيكون في المواقع اللي لسه ماوصلتلهاش المياة و بيستخدم في إن عربيات المياة بتملا منه
رجل_الغراب: أي رجل غراب طريقة تسمير العرق والحمالات مع القوايم بالشده الخشبيه علي شكل ثلاث رؤس مثلث لضمان قوة التماسك حاجة مرصوصه بشكل تبادلي بنقول عليها رصه رجل الغراب
السنجابي: نوع من أنواع البلاط الأسمنتي اللي بيستخدم في الأسطح
الفارة: من أدوات نجار الباب و الشباك بيستخدمها في إزالة قشرة بسيطة من الخشب
الفراشة: نوع من أنواع البسكوت البلاستيك اللي بيستخدم في عمل الغطاء الخرساني لأجناب الأعمدة و الكمرات و القواعد
إيه الفرق بين السيراميك و البورسلين؟ و إيه الفرق بين الرخام و الجرانيت؟
إيه الفرق بين القشره الأرو و القشره الموجنه و القشره الزان للأخشاب؟
سيتم اضافة اجابة
