-->
U3F1ZWV6ZTIxODU5NDI4NDI1X0FjdGl2YXRpb24yNDc2MzcxNjYxNzU=
random
احدث المواضيع

100 معلومة يجب ان تعرفهم كـمهندس تصميم إنشائي وايضا 100 نصيحة عند تشطيب اي شقة او منزل في ملف واحد pdf


100 معلومة يجب ان تعرفهم كـمهندس تصميم إنشائي وايضا 100 نصيحة عند تشطيب اي شقة او منزل ( التشطيبات ) في ملف واحد pdf


بسم الله الرحمن الرحيم ,والصلاة والسلام علي اشرف خلق الله المرسلين سيدنا محمد وعلي آله واصحابة والتابعين.
مهندسي متابعي موقع دليل الهندسة المدنية
نقدم اليكم في هذا الموضوع اكثر من 100 معلومة ونصيحة لمهندسي التصميم وايضا 100 نصيحة عند تشطيب شقتك او العمل في مجال التشطيبات كل هذه المعلومات ستجدها في ملف pdf يمكنك تحميله من اسفل الموضوع وسنعرض عليكم فقط بعض النصائح الاولي من الملف :
ــــــــــــــــــــــــــــــــــــــــــــــــــــــــــــــــــــــ
1- مبدئيا لو انت طالب لازم تفهم ان الوقت مش هيكفي انك تخلص حل امتحان الخرسانة.
2- انت المصمم يعني انت اللي تقول أكشن .. يعني من الآخر انت اللي تمشي الحمل زي ما انت عاوز.
3- أهم حاجة في التصميم انك تكون فاهم مش حافظ.
4- مفيش حاجة اسمها هي كده وخلاص .. أو احنا اتعلمناها كده .. في حاجة اسمها إنك تتقبل كل الآراء وتتعلم كل حاجة جديدة.
5- للعناصر اللي بتصممها ليها نفس المبدأ في التصميم وتقريبا الاختلاف بيكون في طريقة.
الـ (analysis ) عشان تحسب القوي والاجهادات اللي هتصمم عليها.
6- كلمة تصميم دي معناها إنك بتعمل 4حاجات ( قطاع خرساني – حديد تسليح – قطاع آمن – قطاع اقتصادي ).
7- لازم تكون بتعرف تعمل (check) علي اي حاجة وكل حاجة.
8- الحديد بيشيل ضغط برده اقسم بالله.
9- تزود خرسانة تقلل حديد .. تقلل خرسانة تزود حديد .. مالم تكن مقيد بنسبة.
10- مفيش مهندس تصميم ميعرفش يعني ايه ( Long term deflection ).
11 -متعترضش علي تصميم حد تاني من غير ما تسأله.
12- يفضل تكون فاهم اساسيات التنفيذ عشان متعقدش مهندسين التنفيذ بتصميمك.
13- في حاجة في الزلازل اسمها ( response spectrum ) حاول تتعلمها.
14- لو مش عارف متفتيش.
15- مفيش مهندس تصميم مش فاهم ستركشر.
16- مفيش (  fcu ) في شغل الاهالي قيمتها 350 كجم/سم2.
17- مفيش تصميم أصلا لشغل الأهالي😃.
18- المهندس بيتعرف من السلم اللي بيصممة .
19- مينفعش تأخد حمل الرياح والزلازل في حالة تحميل واحدة .. ده مش  critical ده
كوكتيل.
20- مفيش فاي (14) ولا فاي (20) في مصر.. فمتفكرش تستعملهم ومتكترش من فاي (25).
21- مهندس التصميم مرتبه أقل من مهندس التنفيذ .. متنساش إنك قاعد في التكييف ومحدشبياخد كل حاجة .
22- مهندس تصميم = لوح نظيفة   مش صح إنك تكون فاهم اوي بس لازم كمان لوحك تكون نظيفة, فهم بدون لوح نظيفة سئ جداا.
23- الحاجات اللي بتاخد بالك منها في تصميم الاساسات( stress, shear, moment ).
24- الحاجات اللي بتاخد بالك منها بشكل أساسي فى الأعمدة: العمود long ولا short حمل العمود .. والمومنت "إن وجد".
25- الحاجات اللي بتاخد بالك منها في الكمرات ( deflection ,shear, moment ).
26- الحاجات اللي بتاخد بالك منها في البلاطات( Deflection, Punch, M11, M22 ).
27- بصفة عامة ممكن تش ّيك عالشروخ في اي عنصر خصوصا البلاطات.




  • بالنسبة للأساسات:
28- كفر القواعد من 5 ل 7سم.
29- أقل قطر تستعمله في التسليح هو12مم.
30- أقل مسافة عملية بين سيخيين 7سم.
31- أقل ارتفاع قاعدة عمليا 50سم.
32- رفرفة القاعدة من وش العمود يفضل متقلش عن سمك القاعدة.
33- لازم كانات العمود تكمل جوه القواعد.
34- تسليح السمل علوي وسلفي زي بعض.
35- متفتحتش قاعدتين منفصلتين علي بعض وتسكت صممهم تاني combined.
36- الـ strapده الشداد والـ stripدي القاعدة الشريطية .. عيب لما تتلغبط بينهم.
37- أفضل تصميم للقاعدة المنفصلة ان يكون الرفرفة في كل النواحي متساوية.
38- القاعدة المنفصلة ملهاش تسليح علوي.
39- الإضافي السفلي في اللبشة عند الاعمدة والعلوي في نص البحر (عكس الفلات سلاب).

40- ال ( Bearing capacity ) مش دايما (1.5) .

  • بالنسبة للأعمدة:
-----------------
41- اقل قطاع عمليا (40*25) ولو شغال فلات سلاب خليه (40*30) باستثناء الاعمدة اللي شايلة دور واحد أو الشخشيخة مثلا.
42- أقل بعد في الكود 20سم بس احنا بنعمله 25سم (للاعمدة المربعة او المستطيلة)
43- اقل قطر لعمود دائري 30سم.
44- اقل عدد اسياخ للعمود المربع او المستطيل 4اسياخ بحد أقصي عمود ( 30*30 )
45- اقل عدد اسياخ للعمود الدائري 6 اسياخ.
46- اقل مسافة بين سيخين بناخدها عمليا 7 سم واقصي مسافة 25 سم.
47- اقصي مسافة بين فرعي كانة 30 سم.
48- العمود بصفة عامة بيشيل ضغط يعني مينفعش البرنامج يطلعلك رد فعل العمود بالسالب وباقي الاعمدة بالموجب وتكمل شغل عادي :D.
49- كانات الأعمدة بتكمل جوه الكمرات والاسقف.
50- عدد أسياخ العمود زوجي فلو طلعلك مثلا 13 سيخ .. خليهم 14.
51- بلاش تستعمل قطرين مختلفين ولا في عمود ولافي كمرة (عالرغم إنه ينفع بس مش
مستحب).
52- متعملش عمود ( 55*35 ) ولا ( 75*35) خليه مثلا ( 60*35) او (80*35) مثلا .. يعني خلي جنب 5 وجنب 10عشان التنفيذ (عرض لوح الخشب وكده).
53- يفضل وضع العمود في الإتجاه الطويل للباكية.


  • بالنسبة للبلاطات:
---------------------
54- اقل قطر تستعمله فاي 10.
55- اقل مسافة عملية بين سيخين 7سم.
56- البلاطة الهوردي هي الهولوبك بس متفهمش ليه بيقولوا هوردي.
57- حط فواتير حول الفتحات في الفلات ساب.
58- الاضافي بيكون من نفس قطر الشبكة او الدرجة الاكبر.
59- اقل شبكة علوية 5فاي/10م واقل شبكة سفلية عمليا 5 فاي 12 \م.
60- وزن الحوائط مش دايما ( 0.3 ) t/
m2 ولا هو قيمة ثابتة اصلا انت المفروض بتحسبه.
.

عدد صفحات الملف 8 صفحات pdf حجم الملف اقل من 1 ميجا بايت



👀ليصلك كل موضوع جديد من موقعنا أضغط على متابعة ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاسمبريد إلكترونيرسالة